هاي شكم ابوذية هدية مني

مو حب بلقلب هذا ورمشاك
وذوب بشوفت عيونك ورمشاك
اظل للموت بس امشي ورمشاك
لان روحي التحبك مو بيدية


وداري
ياما وياك اجد واتعب وداري
بعذابي زين انا اعلم وداري
تبني ديار عدواني وداري
تهدمها وتشمت عداي بيه

انا ترفعت عن غيرى منازل
والى ويه اهل الكرم صدق منازل
انا لدرب العشق قبلك منازل
بس حضك حلو جابك عليه

حبل مواصلك ياترف عدمن
عيوني من البواجي عليك عدمن
أدور على الوفى ياناس عدمن
الوفى واحد وضاع بتسعمية

بعد وياك مااصدگ وعد لك
چثير احسب من همومك وعدلك
و بعگد الگصب لو احطك وعدلك
سنه وتطلع الحدبه ذيچ هية

طبيبي انتة الاريدن منكشفة
وخاف يموت حبي منكشفة
مو شفتين اريدن منك اشفة
ابوسنهة ورد القاط مية